هلا نيوز – عمان
شن الكابتن حسام حسن المدير الفني لفريق المصري ونجم منتخب مصر السابق، هجوما كبيرا على الحكم المساعد في مواجهة فريقه أمام الأهلي، وذلك بسبب “تهديد” الأخير له.
وقال حسام في تصريحات لبرنامج “اللعيب” على قناة “إم بي سي مصر”: “مساعد الحكم هددني على الخط، وقاللي مش هسيبك وهبطلك كورة، وأنا هاخد حقي إزاي؟ ومش مصدق أن الحكم المساعد بيقولي هبطلك كورة ومش هسيبك؟”.
وتابع :”فيه حاجة اسمها كرامة ووسام الجمهورية اللي أخدته سنة 90 و98،أديت لبلدي واجتهدت في حياتي واتكسرت واتعورت حبا في البلد وفيه واحد في المنظومة قلل مني وأنا مش مقتنع أن وزير الرياضة ولا رئيس اتحاد الكرة هيديني حقي”.
وأكمل: “اتحاد الكرة محترموش رغبة الناس في الشارع، وإحنا حقنا إن فيه واحد غلط فينا، وأنا مش واخد حقي وأنا بلعب أو في التدريب، ومفيش حد اعتمد عليه في اتحاد الكرة، أو وزير الرياضة وفيه رئيس الجمهورية وبعده رئيس الوزراء، ومش بتكلم على بنالتي أو هدف ملغى لو الماتش حتى يولع أنا كرامتي اتهانت يا نهار أسود، وأنا اتهنت يا ريس وعايز حقي،..أنا ممكن السنة اللي جاية أسيب البلد خالص ومش هقعد فيها”.
