أثار الفنان يوسف فوزي موجة من الجدل وذلك بعدما كشف عن مصارحته لزوجاته السابقات بخيانته لهن.
و قال يوسف فوزي في حواره مع الإعلامي عمرو الليثي ببرنامج “واحد من الناس”: “كنت عايز أعترف بنفسي لزوجته بدل محد يكشف سري ويحكيلها، و كنت بمهد لها، أقول عملت غلطة منيلة وعايزك تسمعيها مني قبل ما تسمعي واحدة بنت حلال، أنا عملت كذا والعيب مش فيكي العيب فيا أنا، مهما كان أنا رجل وصغير في السن وشباب، وأنا متفهم أي حاجة تقوليها”.
و أضاف فوزي” زوجتي الثالثة وأم بناتي التنتين صدمتني بعد هجرتها لكندا ورفضها العودة، و قامت طلبت الطلا، أنا قعدت 17 سنة مشفتش بناتي، شفتهم في المطار معرفتهمش، أتضايقت خالص”.
و تابع” أنا مش راجل مزواج ولا بتاع طلاق، أول واحدة كنت صغير في السن وعمرها 18 سنة، أتجوزت وسافرنا، وهناك تعرفت على زوجتي التانية”.
و استكمل حديثه قائلًا: “طلقت زوجتي بعد سنة ونص واتجوزت التانية 4 سنين، ومخلفتش من الاتنين، والتالتة فرنساوية إيطالية يونانية عايشة في مصر وقعدت معاها 15 سنة، عندي سارة ومنيرة منها، وسارة دلوقتي عمرها 45 سنة”.
