أحدثت الفنانة غادة إبراهيم موجة من الجدل، وذلك بعدما تحدثت عن تفاصيل خضوعها لعمليات تجميل ونحت الجسم في عام 2017.
وقالت الفنانة المصرية خلال استضافتها في برنامج “قعدة ستات” مع الإعلامية مروة صبري: “كنت قاعدة فاضية مبعملش حاجة فقولت أظبط الدنيا، أنا كنت زمان بلعب سكواش وكنت أنحف من دلوقتي، أنا حالياً 66 كيلو، ولازم أنزل 6 كيلو، وأنا لما بكتئب باكل كتير، عكس كل البشر”.
و أضافت إبراهيم” بدخل بقى المطبخ عشان أنا إسكندرانية، وبعمل طاجن في الفرن وسمك سي فود وجدّتي مغربية فبعرف أعمل كسكسي بالحوت وباستيلا، وفي الشتا لازم أعمل شوربة حريرا، أنا لما بكتئب بدخل المطبخ بتفنن وآكل”.
و تابعت” عملت عملية شفط عام 2014 وتعرضت لأزمة عام 2016، وبعدها عملت نحت عام 2017، والدكاترة والعمليات أخدوا كل فلوسي، لأني بختار دكاترة ومستشفيات نضيفة، وأنا موسوسة بطبعي عشان برج العقرب، فبدفع”.
و استكملت حديثها قائلة: “مقدرتش بعد وفاة بابا وكنت عايزة أمشي وأهرب من البيت ووافقت بأول جوازة، وكنت عايشة مع أخويا وأختي وعندي أخوات من بابا؛ لأنه كان متجوز 3، قطعت شراييني بعد وفاة والدي ومقدرتش، وابن عمي جري بيا على المستشفى، ده كفر ومش حاجة حلوة، بس أنا كنت صغيرة مش فاهمة وهانت عليّا نفسي”.
وأضافت” ماما حاجة جداً ومامتها كانت تركية، وكانت مدلعاني بس مش زي بابا، أنا كنت في حضن بابا ودلع وسفر وكل طلباتي أوامر، لكن ماما مش بتبين حنيتها وحنانها داخلي”.
واختتمت حديثها بالقول: “أول عربية ألماني كانت جيبهالي ماما وأنا في ثانوي وكانت طلب خاص ومدلعاني بس مش زي بابا، وأنا مقدرتش وكنت عايزة أهرب”.
